Sngi ba Ar lah ban pyllait noh ia u Bah Prestone hadien ba la pynkynriah na ICU

Syllad | The Rising MeghalayaSeptember 15, 2024

U Symbud Myntri Rangbah ka Jylla u Bah Prestone Tynsong u lah ban ioh lait noh na ka jingsumar hapoh Apollo Hospital, Delhi ha ka 17 tarik sngi ba Ar ban wan hadien ba u la kham khlain naduh ba la pynkynriah ia u napoh ICU hadien ba la dep leh surgery.

“Ka jingleh ia ka CT Scan ka pyni ba ka jinglong jingman ka la biang nadong shadong,” ong u Commissioner & Secretary u Vijay Mantri ha ka kyrwoh.

“Watla katta sa kawei pat ka jingleh scanning yn hap ban pyndep hashwa ban pynbna ba ka la biang pura ban pyllait noh ia u napoh kane ka hospital, bad la khmih lynti ba un ioh ban ioh mih noh ha ka sngi ba Ar ban wan,” u la ong.