Sñiawngooh ka Seiñraij Jowai ia kiwa em bynta haka Chad Sukra

Syllad | The Rising MeghalayaApril 9, 2024

Ka Art & Culture Committee, Seiñraij Jowai pynpaw ko I sñiaw ngooh ia waroh ki wa ia embynta lang ha ka Chad Sukra, naduh ki Chnong ki wapher wapher kamjuh ka Seiñraij Niamtre Ummulong, ka Seiñraij Niamtre Shillong wa ka Seiñ Tylli Lang Ladthadlaboh ki wa em hapoh ki thawaner iong ka Bei Seinraij Jowai, ki wa embynta ha ki Chad naduh na Madan Mynkoi Pyrdi haduh ha Khmat ka Blai Iaw Blai Syiem, ka Miet Pynwiar ngiah ha Mynkoi Pyrdi Iongpiah, kamjuh ha Ka Chad Uiñrong, ki wa pynman ia ka Chad Sukra 2024 ka wa jop ka wahun wasuk naduh bru haduh Blai.

Ka Arts & Culture Committee Seiñraij Jowai  pynpaw ko leh I sñiaw ngooh kyrpang ia Ka Niamtre Committee Tpep-pale, ki wada pyndep ia ka Ialehke Drama ha ka 6/04/2024 ka bynta wa nyngkong iong ka Chad Sukra 2024.

Ka Arts & Culture Committee Seiñraij Jowai  e Khublei ko ia waroh ki khon iong ia ka Niamtre ki wa embynta lang ha ka ni Chad pynemburom ia ka Bei Rymaw, Kitbok kit rwiang ko ia phi waroh iow ioh phi dei chait I khiah I mankhih man khan, I roi I par ha waroh ki liang, kamwa ngooh wa dem iow kyrkhu ki blai ki syiem ia I waroh.

Shongshit ka Chad Sukra ka Seiñraij Jowai

Heijuh I por Ka Arts & Culture Committee Seiñraij Jowai e khublei ko  ia ka Police Department wa pynbeit ia ka traffic ha ka sngi Chad Sukra, kamjuh leh waroh ki press ki media kamjuh ki bru samen ki wa pynsaphriang ia ka ni ka Chad Sukra lyngba ki Social Media ki iong ki.