Sniew tasam ka surok Jowai-Amlarem, Pdengshakap, dawa maramot ka JYF

Syllad | The Rising MeghalayaFebruary 8, 2021

Ka Jaintia Youth Federation (JYF) haka jingleit jurip ïaka surok haka thaiñ War ka la lap ïa ka jingsniew jong ka surok kaba la buh jingeh ïaki kali ba kit ïaki nongleit nongwan bad wanrah ruh ka jingma ïaki paidbah ba leit ba wan na katei ka surok.

U General Secretary JYF u Ma S Pajuh ula ong ba ka jingsniew jur jong ka surok ka sdang naduh ka Jingkieng Myntdu shaduh Muphlang, Amlarem, Pdengshakap, Amlari, Muktapur shaduh Lumpyngngap bad Muktapur kumjuh shaduh Dawki.

Shuh shuh ka la ong, ka jingsniew palat jong katei ka surok ka wanrah jingeh khamtam haka pang ka shitom ha kaba ki paidbah ki ïabeh ban poi kloi shaki hospital ban ïoh jingsumar nalor kata ka wanrah jingeh ruh ïaki paidbah ban pynpoi ïaki marbam mardih shaki ïew ki hat.

Ka JYF ka la pynpaw ka jingsngew diaw bad sngew sangsot ïaki briew kiba im ha katei ka thaiñ namar ki hap ban mad ïaka jingsohsat bad jingshah ïehbeiñ haka sorkar la bun bun snem.

Ka JYF kala kyrpad ïaka sorkar bad nongmihkhmat ka thaiñ ban shimkhia ban moramot ïaki surok haka thaiñ War khnang ba kan suk ka leit ka wan ki paidbah.