Snohkti ka Jowai ban rakhe iaka 59th Teachers’ Day

Syllad | The Rising MeghalayaSeptember 5, 2020

Ka ophis jong ka District School Education officer West Jaintia Hills District ka la rakhe ia ka 59th Teachers’ Day ha Conference Hall ka ophis u Deputy Commissioner, Office, Jowai haka sngi Saitjain.

Ia kane ka sngi kyrpang la pynlong da kaba bud ryntih iaka kyndon jong ka COVID-19 ha kaba kam shym la don kano kano ka rong ka rup ban pynbyrngia kumba ju long manla u snem. Ka prokam kalong kaba lyngkot bad la iadon tang ki nonghikai kiba ioh iaka district award, ki Scout and Guides bad ki nongtrei ka tnad pule puthi ka district

U PK Boro, Additional Deputy Commissioner, West Jaintia Hills District ula long u kongsan haka jingiadonlang ka kong AP Syiem, District School Education Officer bad kiwei kiwei

U Boro haba kren kum u kongsan ula ai khublei ïa baroh ki nonghikai kiba ïoh ïaka khusnam District Award halor ka jingshakri jong kum ki nonghikai ban sam ka jingnang jingstad sha ki khynnah bad ban tei ïaka lawei ka jong ki. Ual kyntu ia baroh ki nonghikai ban ai ka inghikai kaba bha tam iaki khynnah ban phyrnai ka lawei jong ki.

Ka Khusnam District Awards haka kyrdan Secondary la ïoh pdiang da u Deepak kumar Saha Assistant Teacher Govt Boys H/S Jowai. Haka Upper Primary Level u Hernes Papeng Headmaster Thadmuthlong Pasyih UP School Phramer bad haka Lower Primary Level da u Twinson Rymbui Head Teacher Nongtalang Mission Govt LP School.

Iaka khusnam Best Scout Master la ïoh da u Tohmon Diam Mukhim na ka Khonglah Secondary school Khonglah bad ka khusnam Best Guides Captain ka Brisha Muthoh Little Flower Secondary school Ummulong.