Snohkti lang u paidbah ka Jowai ha ka ‘Janta Curfew’

Syllad | The Rising MeghalayaMarch 22, 2020

Ki paidbah nongshong shnong ka Jowai bad ka jylla kila snohkti lang bad ka ri baroh kawei haka ‘Janta Curfew’ ban shong hapoh iing naduh 7 baje mynstep haduh 9 baje mynmiet mynta ka sngi ban iakhun pyrshah ban pyndkut ïa u kynjri jingpur jong u khniang Coronavirus, uba pur sted bha.

Baroh kawei ka jylla kala snohktilang haka “Janta Curfew’ bad la lap baroh ki kam khaii pateng, ki dukan ki dukdoh, ki iing mane bad ki paidbah salonsar kila ieng tylli iakhun pyrshah ia une u khniang  bap ur sted bha uba la shim da ki hajar ki jingim jong ki briew ha kylleng ki ri ka pyrthei.

Haka por 5 baje baroh ki nongshong kila mih paidbah ha la ki jong ki iing ban thap kti ban ai khublei iaki riewshlur kiba mih shakhmat ban trei bad ban iakhun pyrshah ia une u khniang naduh ki nongtrei ka tna dka koit ka khiah, ki police, ki shakri sorkar bad kiwei kiwei kiba ai jingshakri ia u paidbah, kuma la ong u Myntri Rangbah duh ka Ri.