Snohktilang ka Jowai ban rakhe ïaka 71st Republic Day

Syllad | The Rising MeghalayaJanuary 26, 2020

JOWAI: Ka nongbah Jowai kala snohktilang bad ka ri baroh kawei ban rakhe ïaka 71^st Republic Day ha madan Jrisalein, Chutwakhu Jowai.

U Myntri ka tnad Transport, C&RD Ma Sniawbhalang Dhar ula pynher ïaka lama lai ring ka ri bad shim ruh ïaka salute.

Ha Jowai ki don haduh 18 kynhun kiba ïashimbynta haka parade kynthup ïaka DEF (District Executive Force), Special Force 10, District Home Guard, NCC SD naThomas Jones Synod College, NCC SW Thomas Jones Synod College bad 13 tylli skul

Ka JNV Higher Secondary School, Mukhla, bad ka Q.C Springside English Secondary School, Jowai kila ïoh khusnam ‘Best Marching Contingent’.

Kala don ruh ka jingpyni nam ïaki tableau da ki tnad sorkar bapher bapher ha kaba iadei bad ki schemes bad ka jingjop ban pyntreikam ïaki bad ki don haduh 14 tylli ki tableau kiba la pyninam.

Ka District Horticulture Officer bad ka District Agriculture Officer kila ïoh rah ïaka nam Best Tableau halor ka jingrep bunjait kaba kyntiew ïaka ioh ka kot ‘Integrated Farming System for Maximum Crop Production and Income Generation’ bad ka District Soil & Water Conservation Officer (Territorial) Division, Jowai kala wan ba ar halor ka ‘Spring shed Development Work ne ban tyngkai ïaka um ban pynneh pynsah ïa baroh ki jingthaw b aim haka sla pyrthei.

Nartiang Primary Health Centre kala ïoh khur ïaka khusnam Best Winning Primary Health Centre katkum ka Kayakalp guidelines jong ka Minister of Health & Family Welfare, government of India jong u snem 2019-2020, ka Shangpung Primary Health Centre kala wan ba ar halor ka khuid ka suba bad ka jingiakhun pyrshah ïaki jingpang bad kyntiew ïaka jingkhuid jingsuba.

Kiwei pat ki prokram pynbyrngia kidei ki jingrwai jingshad bad ka jingai sngewbha da ki tnad sorkar ki sengbhalang sha ki nongpang ka ha Dr. Norman Tunnel Hospital, Jowai Civil Hospital bad District Jail.