Snohktilang ka West Jaintia Hills ban rakhe iaka Republic Day ba 76

Syllad | The Rising MeghalayaJanuary 26, 2025

Ka West Jaintia Hills District kala snohkitlang ha kaban rakhe iaka Republic Day kaba 76 ne ka jingioh iaka riti synshar kaba pura ka Ri India ha madan Jrisalein, Chutwakhu, Jowai.

U Myntri sorkar COmingone Ymbon ula wan ban pynher iaka lama lai rong ka ri bad ula shim ïa ka Rashtriya Salute na ka bynta ki 15 kynhun ki nongiashimbynta haka p[arade kaba kynthup ka tnad pulit ka District, Government Girls Higher Secondary School, NCC, Meghalaya Bharat Scout and Guides nalor ki 12 tylli ki skul.

Hadien kane ki tnad sorkar bapher bapher ki pyni nam iaki tableau ïa ki skhim bad ki jingjop jong ki.

ka JNV Mukhla School, ka Seinraij Higher Secondary School, Jowai bad ka St. Mary Mazzerello Higher Secondary School, Jowai kila ioh rah iaka namjop haka parade

Ka ophis u District Horticulture Officer, Jowai, District A. H & Veterinary Officer bad ka District Commerce & Industries Centre kila jop haka jingpyninam iaki tableau

Ha kane ka sngi, la sam ruh ïa ki tiar sah kynmaw sha ki nongrwai nongtem, nongthoh iaka ka theme song 6th Meghalaya Games.

Kiwei kiwei ki prokram ki long ka jingsam jingbam sha ki jaka ri khynnah kiba pyniaid da ka sorkar bad ki kynmhun seng trei kam bhalang.

Iaka Republic Day ha la rakhe ruh ha Amlarem Civil Sub Division bad ha Hima Shangpung. Ha Amlarem, u MLA ka Sohra, u Gavin Mylliem ula pynher iaka lama katba ha Hima Shangpung, ka MLA ka Sutnga Saipung, kong Santa Mary Shylla ka la pynher iaka lama ha madan Hula.

Ha Amlarem la pynkup burom iaki arngut ki nonghikai ka kong Amvalina Buam jong ka Muktapur Government LP School bad u Tiliyous Lamare jong ka Tarangblang Government School halor ka jingtrei shitom jong ki. U Dawani Challam, Assistant Agriculture Inspector, Amlarem ula ioh pdiang khusnam halor ka jingtrei shitom ha ka ban pyndep iaka kam ram.

Ka Dawki Village Water Committee ka la ïohrah ïa ka khusnam na ka bynta ka jingpynthikna ban sam iaka um kaba khuid sha ki longïing baroh ha kane ka shnong nalor kata ka pynkup burom ruh iaki nongtrei ASHAs.