Suba bthei ki hume pipe, jot ka surok ha Jowai

Syllad | The Rising MeghalayaJune 26, 2020

Ka jingwan ther u slap kala wanrah ka jingshlei um ha ki katto katne ki bynta jong ka sor Jowai bad wanrah iaka jingjulor ki lynti synkieng bad ki surok shnong haka sngi Thohdieng.

Ka surok shnong kaba pyniasoh iaka Loomkyrwiang, Chutwakhu bad Chilliangraij bad mih sha Khimusniang ha Umwakah kala julor bad ka don haka jingma ban twa ne ngam shuh shuh ka khyndew na shapoh.

Ka khubor kaba iohlum ka iathuh ba hynne ka step haka por ba ther jur u slap ka um kaba la ksam na shapoh ka surok kala bthei bad mih sha surok kaba la wanrah ka jingjulor jong ka surok bad paw ka thliew kaba heh.

La iathuh ba ka surok kala shong synjor bad ka lah ban twa ha kano kano ka por.

Kane ka surok ka dei kaba la shna halor ka wahduid na shapoh bad la suba la bthei ki hume pipe na shapoh khyndew kaba la pynlong iaka um ban ksam sha surok.