Suba ngam jyllop 3 ngut ki khynnah ha Wah Kupli

Syllad | The Rising MeghalayaAugust 1, 2020

Lai ngut ki khynnah kila ngam jyllop ha Wah Kupli haka bynta jong ka thwei Moolieh haka sngi Saitjain.

Kine ki lai ngut ki khynnah kiba suba jur bad kila ngam jyllop ki dei kiba la tip kyrteng kum u Sookini Biam (11), Ajim Langstang (10) bad Dapbor Langstang (10).

U Waheh Shnong Saphai u ma Anthony Bareh ula iathuh ba kane ka jingjia ka lah ban jia haka por nohphaisngi namar ba ki don ki nongshong shnong kiba iohi ba ki ia sum ha katei ka thwei.

Ula iathuh ba haka por 4 baje u para jong u Sookini ula leit wad iaki hynrei um shym la lap iaki bad ula ioh tam tang ki sopti bad slipper jong ki. Une u khynnah mar mar ula leit iathuh iaka kmie jong u bad kila leit biang sha katei ka thwei Moolieh, ka bynta jong ka Wah Kupli hynrei kim shym la lap satia iaki bad la suba jur ba kine ki khynnah lai ngut kila ngam jyllop.

Halor kane ka jingjia, u waheh shnong ula iathuh ba ula dep pyntip sha ki Pulit, hynrei namar bala dum bad ka jingheh ka um kim lah leh eiei bad lashai ka sngi kin pynlong ka jingwad ia kine ki khynnah.