Suba shah pyniap ka longkmie, khlong ki pulit iaka met phet rieh u lok

Syllad | The Rising MeghalayaJune 9, 2023

Ki pulit jong ka West Jaintia Hills District ki la khlong biang ïaka met ïap jong kawei ka longkmie kaba la suba shah pynïap hala u jong u lok ha kawei ka shnong ha West Jaintia Hills District.

Kane ka longkmie kaba la suba shah pyniap ka dei ka kong Rodit Langstang (44 snem rta) na ka shnong Pammanik.

U Superintendent of Police, West Jaintia Hills District Ma Chemphang Syrti ula ïathuh ba ïaka met ïap jong katei ka longkmie, la lap da ki ba haïing haka 1 tarik Jylliew ha ïingsah jong ka. Ula iathuh ruh ba dei hadien ba u P. Samaiang bad ka kong Ribiang Langstang kila mudui iaka jingujor ejahar ha Phramer Traffic Cell kaba hap hapoh ka Jowai Police station ba ki suba jur ba ka para jong ki (Rodit Langstang) kala shah pyniap hala u jong u lok u Roibiang Pakma, uba la phet rieh naduh ba ki lap iaka metiap ka para jong ki.

La iathuh ba kiba haïing jong katei ka longkmie ba suba shah pyniap kila tep iaka met ha ka juh ka sngi da ka jingsuba bala sah slem ka met, khlem ka jingpyntip ïaki pulit.

U SP ula iathuh ba marsien ioh iaka jingujor kila shimkhia ban pynlong iaka jingtohkit bad kila khlong biang iaka metiap ban pyndep iaka jingdonkam ka ain.

Halor kane ka jingjia ki Pulit kila register iaka case bad ka jingtohkit kala iaid shakhmat.