Suba shah pynïap u rangbah ha East Jaintia Hills

Syllad | The Rising MeghalayaMay 20, 2021

Uwei u rangbah ïa uba la tip kyrteng kum u Rechas Dkhar na ka shnong Jalyiah la suba jur ba ula shah pynïap dusmon haki riew thrang snam kiba ym lah ban ithuh.

Ka khubor kaba la ïohlum ka ïathuh ba ïaka met jong utei u rangbah la lap mynne mynstep da ki katto katne ngut ki riew paidbah ha kawei ka jaka kaba khot Dumdum kaba don ha Sohkymphor, East Jaintia Hills District.

Ki paidbah kiba la ïohi ki la pyntip shaki pulit jong ka Lad-Rymbai Police Outpost kiba la leit mar mar ban shimti ïaka metiap bad pynkit sha Khliehriat CHC.

Haba ïadei bad kane ki pulit ki la pynlong ka jingtohkit ban lap ïa kiba donkti.

Naka liang kiba haïing kila kyntu ïaki bor jong ka aiñ ban thwet ïa kiba donkti bad ban pynshitom ïaki katkum ki kyndon aiñ.

Haba ïadei bad kane jingjia ka East Jaintia National Council (EJNC) Khliehmyntriang Unit lyngba u President u Lektor Dkhar ula pynpaw ka jingsngewsih bad pynrem jur ïa ki runar kiba donkti ban leh ïa kane ka kam