Subroto Mukherjee Cup: Jop North Liberty HSS, Monfort SS, Lotus SS, Jakrem, Assam Rifles bad kiwei

Syllad | The Rising MeghalayaJuly 11, 2024

Ka sngi ba ar jong ka lympung ialehkai phutbol ki khynnah skul, ka State Level Subroto Mukherhee Cup Football Tournament, kaba pyniaid ia ka da ka tnat jong ka Directorate of Sports & Youth Affairs kaba sdang haka 9 tarik Naitung kala iaid shait shait.

Ia kane ka lympung la pynlong ha ki lai tylli ki madan ialehkai ba don ha ka nongbah, kata ka SSA Stadium First Ground, ka MFA Turf Third Ground, bad Madan Heh Stadium.

Haba phai sha ka resol haka jingialehkai kaba long haka 10 tarik Naitung haka kyrdan U-15 ki khynnah shynrang, ka Nongjri Presbyterian SS kaba na Ri-Bhoi kala jop da 11-0 iaka  St Claret HSS ba na South West Garo Hills, ka Assam Rifles Public School na East Khasi Hills kala jop da 6-1 iaka Khliehriat Presbyterian HSS na East Jaintia Hills, ka Dominic English UPS, West Jaintia Hills kala jop da 4-0 iaka Little Star English Medium SS, EWKH bad ka Little Star HSS na SWKH kala jop da 3-0 iaka Govt HSS kaba na South Garo Hills.

Katba haka Under -17 Boys’, ka Myngken Christian HSS, Ri Bhoi kala jop da 2-0 iaka Tenset SS kaba na SWKH, ka Monfort SS Dilni na West Garo Hills kala jop da 2-0 iaka Little Star English Medium SS ba na EWKH, ka Songsak Agitokgre HSS na EGH kala jop 2-1 iaka Damram Union SS na ka NGH bad haka jingialehkai kaba khatduh ka North Liberty HSS kaba dei na WJH kala jop da 7-0 iaka Mount Carmel SS kaba dei na SGH.

Na kaliang ki kynthei Under-17 Girls, ka Jakrem Prebyterian Hig. Sec. School (South West Khasi Hills) kala jop da 3-0 iaka Little Star English Medium Sec. School (Eastern West Khasi Hills), ka Lotus Sec. School (East Jaintia Hills) kala jop da 9-0 iaka Dambok AGA. Upper Primary School (South Garo Hills), ka Dalia Secondary School (West Garo Hills) kala jop da 2-0 iaka Rongrong Secondary School (North Garo Hills) bad ka Nongehram Adunai Higher Secondary School (East Garo Hills) kala jop da 3-1 iaka Okkapara Secondary School (South West Garo Hills)