Subroto Mukherjee Cup: Yn iaknieh nam lahduh lai tylli ki skul na Ri Bhoi, mar kawei na West Jaintia Hills, West Khasi Hills bad West Garo Hills

Syllad | The Rising MeghalayaJuly 12, 2024

Ka lympung ialehkai State Level Subroto Mukherjee Cup kaba pyniaid da ka Directorate of Sports & Youth Affairs ka sorkar Jylla kala jam noh sha ka final ha kaba baroh ki final kin long haka 13 tarik Naitung ha madan SSA Stadium, Polo.

Ki skul kiba la jam sha ka final ki kynthup iaka lai tylli tang ki skul na Ri Bhoi District bad mar kawei na West Jaintia Hills, West Khasi Hills bad West Garo Hills.

Haka Under 15 Boys’ ka Govt Boys HSS kaba dei na West Garo Hills kan iakhun pyrshah iaka Nongjri Presbyterian SS kaba dei na Ri-Bhoi haka por 9AM.

Katba haka Under-17 Boys, ka North Liberty HSS kaba dei na West Jaintia Hills kan iakhun pyrshah iaka pyrshah Myngken Christian HSS kaba dei na Ri Bhoi haka por 1 PM.

Na kaliang ki kynthei Under Girls, ki ar tylli ki skul ban iaknieh nam lahduh ki dei ka Kynshai Govt LP & UPS kaba dei na West Khasi Hills kan iakhun pyrshah iaka Christian HSS ba dei na Ri Bhoi, 11AM

Haba phai sha ka jingiakhun semifinal haka 12 tarik Naitung, haka kyrdan Under-15 Boys’, ka Assam Rifles Public School kaba na East Khasi Hills kala liem noh da ka tie breaker pyrshah iaka Govt Boys HSS, West Garo Hills. Ha ka jingiakhun haka por kaba la buh ka jingiakhun kala kut da 2-2. Hynrei haka tie breaker ka Govt Boys kala jop da 5-3.

Ha kawei pat ka jingiakhun ka Nongjri Presbyterian SS (Ri Bhoi) kala jop da 2-0 iaka Dominic English UP School (West Jaintia Hills).

Haka Under-17 Girls, ka Kynshai Govt LP & UP (West Khasi Hills) kala jop da 2-0 iaka Tyrsad HSS (East Khasi Hills) bad ka Christian HSS (Ri Bhoi) kala jop da 3-0 iaka North Liberty HSS (West Jaintia Hills).

Katba ka resol Under-17 Boys’, ka North Liberty HSS (West Jaintia Hills) kala jop da ka tie breaker 4-2 iaka Assam Rifles Public School (East Khasi Hills). Haka jingiakhun haka por kaba la buh ka jingiakhun kala wai khlem don mano mano bai oh pynkhih jar.

Ha kawei pat ka jingialehkai kai, ka Myngken Christian HSS (Ri-Bhoi) kala jop da 1-0 iaka Songsak Agitokgre HSS (East Gaor Hills).