Super Division Saipung BSA: Jop ka Lamyrsiang, iakhaid ka Narwan vs Tluh

Syllad | The Rising MeghalayaDecember 2, 2024

Ka Lamyrsiang SC kala khur nam jop, katba ka Narwan SC bad Tluh SC kila iakhaid haka Super Division Football Tournament ba la pyniaid da ka Saipung Block Sports Association (SBSA) kaba long ha madan Lamyrsiang haka 2 tarik Nohprah.

Haba phai sha ka jingiakhun hapdeng ka Narwan SC pyrshah iaka Tluh SC kala kut noh da mar 1-1.

Na kaliang ka Narwan la thep da u Jimrio Langstang (8), katba iaka kol jong ka Tluh la thep da u Mihsalan Dkhar (13).

Haka jingialehkai kaba bud, ka Lamyrsiang SC kala pynliem da 2-0 Pyrdung SC. Ia kine ki ar kol ka Lamyrsiang ka ioh ban thep da u Teiwanmi Bareh (33) bad Jeffrey Surong (81).

Haka 3 tarik Nohprah ka jingialehkai kan long hapdeng ka Mulait Bri Sumer pyrshah iaka Shnongrim SC haka por 11.00 baje mynstep, ka Mulait United FC pyrshah iaka Lamyrsiang SC haka por 1.30 baje nohphai sngi.