Syllad ka eriong lied 44 tylli ki ïing haka thain Jirang, mynsaw kawei ka longkmie

Syllad | The Rising MeghalayaMarch 31, 2024

Ka eriong kaba jur bha kaba wan ryngkat u slap kala syllad haduh 44 tylli ki iing bad kawei ka longkmie kala mynsaw jur ha ka thain Jirang Constituency ha Ri Bhoi District haka 31 tarik Lber.

Kane ka long katkum ka khubor kaba la ioh lum da Block Development Officer ka Jirang C & RD Block u Dr. Pabitra R Hajong.

Kane ka longkmie kaba mynsaw ka dei ka ba la ithuh kum ka Khuni Killing, katba ki 44 tylli ki iing kiba julor na ka jingsyllad ka eriong kki dei kiba don haka shnong Umsalani bad ka Umsaliang.

Nalor kitei ki shnong la ioh jingtip ruh ba ka la don ruh ka jingshah pynjulor ki ing ki sem bad ki jingthung jingtep ha ka shnong Nongrim Jirang.

Ka Surok ban leit sha ka shnong Umsaliang, ka la sah kut na ka jingkyllem ki dieng ki siej

U BDO ka Jirang C& RD Block, u la bthah ia ki nongialam shnong kiba shah ktah ba kin lum jingtip halor ki jingjulor ha ki shnong ki thaw ki jongki bad kyntu ruh ia kito kiba shah pynjulor ia ki ïing ki sem ba kin sah shwa shipor ha ki ïing skul bad ba na ka liang ki bor sorkar ki dang ialeh ban pynbiang ia ki lad ai jingiarap ba kyrkieh.

Ha kane ka sngi la sakhi ruh ia ka jinghap jong u phria ha kiba bun ki shnong ki thaw jong ka thain Nongpoh uba neh kumba 5 minit eiei.