Syllad ka eriong, julor phom 8 tylli ki ïing ha Nongjngi

Syllad | The Rising MeghalayaApril 19, 2020

Haduh phra tylli ki ïing kila julor phom hadien baka eriong erngit kala wan ban syllad haka shnong Nongjngi, West Jaiñtia Hills hynne ka sngi U Blei.

Kane ka jingjia kala jia haka shnong Nongjngi Lumtrep bad ha Nongjngi Iangkar haka por 12 baje mynsngi.

Ha kane ka jingjia uwei u khynnah ba dang 7 snem ka rta ula mynsaw naka bynta ka khlieh.

Na kaliang ki nongshong shnong kila kyrpad ïaka bor synshar district jong ka West Jaiñtia Hills ban pynioh lad ïarap ïa kine ki longïing bad haduh ba thoh ïaka khubor kine ki lanot shah lynshop eriong ki sah bad ki para marjan ïing.