Synñiang jain kymbor ki ar ngut ki rangbah sha ki briew kiba don jingduna

Syllad | The Rising MeghalayaFebruary 19, 2021

U Ma Lasting Suchiang bad u Ma Pyndaplang Muksor ha ryngkat ka jingsynranlang ki paralok jong ki, ki la leit ban noh synñiang da ki jaiñ pynsyaid (Blanket) sha ki 6 ngut ki briew kiba don ka jingduna ha ki dkhot met haka shnong Umdilien, Iooksi haka 17 tarik une u bnai.

Naka liang u ma Lasting Suchiang haba kren u la pynshlur ia kiba don jingduna haka dkhot met ba kim dei ban duh mynsiem ne duh jingkyrmen hynrei ki dei ban don ka jingkyrmen ba ha kawei ka sngi kin sa long kiba phyrnai haka hima U Blei.

Ha kane ka jingsynniang kine ki ar ngut la iadonlang u Waheh Shnong ka Shnong Umdilien, u Ma E Sumer ha kaba u la ai khublei iakitei ki rangbah kiba don ka mynsiem kaba sbun ban noh synniang sha kito kiba duna dkhot met hapoh ka shnong.