Synñiang jingiarap ka JSU sha ka lanot pluh ïing ha Sohkha Mission

Syllad | The Rising MeghalayaMarch 31, 2019

JOWAI: Ka Jaiñtia Students’ Union (JSU) War Jaiñtia Circle kala synniang jingiarap da u khaw, pylleng bad kiwei ki mar bam sha ka kong Dahunmon Lamin Gashnga, ka lanot ba shah ktah haka jingjia pluh ding ka ïing haka miet 30-31 tarik u Lber haka por 11:30 PM haka shnong Sohkha Mission, West Jaiñtia Hills District.

Ka ding kaba la klang jur kala bam duh ïaka ïing jong ka kong Lucymai V Pohtam kaba shong da ka kong Dahunmon Lamin Gashnga haka miet sngi Saitjaiñ haka por Load Shedding ka Meghalaya Power Distribution Corporation Limited (MePDCL). Ka ding kala klang jur bha hadien ka jingbthei u tyngdong shet jingshet kaba pynkyuih ïaki nongshong shnong.

Ha kane ka jingjia kam don kano kano ka jingjia ba sngewsih ïaka Kong Dahun I khun ba dang 4 snem ka rta bad u lok.  Katei ka ïing kala julor phom ka jingduh kala kot T.2 lak tam.

Ka JSU War Jaiñtia haka jïngiadonlang  uTreiborlang R Suchen u nongialam JSU Shillong, Eddy Kerry Pohtam President JSU War Jaiñtia Circle, General Secretary u Kerry Lamin kila leit ai jingiarap sha katei ka longiing bad la kyntu ïaka bor sorkar ban pynpoi lad jingïarap ïa katei ka longiing  khnang ba kin ïoh biang ba sah ha katei ka ïing.