Synniang jingiarap ka Seiñraij Jowai sha ka CM’s Relief Fund

Syllad | The Rising MeghalayaNovember 5, 2024

Ka Seinraij Jowai haka 5 tarik Naiwieng kala leit ban ai jingiarap sha ka Chief Minister’s Relief Fund (CMRF) da kaba aiti iaka Cheque kaba 1 lak tyngka ha u Dy. CM ka jylla, u Sñiawbhalang Dhar.

Ha kane ka jingleit aijingiarap la lamkhmat da u Vice President u EMH Passah bad General Secretary Arwotki Sumer haka jingdonlang u Asst. Secretary Wyraiki Kharbuki nalor kiwei.

Lah ban kdew ba na ka liang u Chief Minister ka jylla, u Conrad Sangma ula kyntu iaki paidbah ban synniang jingiarap sha ka CMRF hadien ka jingjia shlei um ha Ri-lum Garo ha kaba la duh noh haduh 17 ngut ki mynsiem ba kordor.

U Arwotki Sumer ula ong kane ka jingleit ai jingiarap sha ka CMRF kadei shibynta ka jingiarap kylliang bad kyrshan kylliang iaki paralok Garo khamtam hadien ka jingkyntu u CM ban ai jingiarap haka jingjia shlei um.