Synñiang ka FKJGP Nartiang da ki marbam sha ki lanot shah lyngshop bor mariang

Syllad | The Rising MeghalayaSeptember 29, 2020

Ka Federation of Khasi Jaintia and Garo People (FKJGP), Nartiang Unit kala synniang da ki marbam sha ki 7 tylli ki longïing kiba shah lyngshop haka bor mariang ha kane ka taiew kaba ladep.

“Ngi la leit ai jingiarap sha kine 7 tyli ki longïing kiba shah ktah bha haka jingwan ther jur jong u slap haka 24, 25 tarik mynta u bnai. Ka jingwan ther jur u slap kala pynjulor iaka jingdon jingem kine ki longiing kynthup ia u kba uba don la lum la lang ha thiar ha kaba u khaw u kba ula jhieh lut,” la ong u General Secretary FKJGP Nartiang u samla Wednesday Dkhar.

Ula ong ruh baka jingwan ka umsaw haduh ha tyngkong iing kala wanrah ruh ka jingduh iaki jingri jingdup bad ka jingduh kaba khraw ha kine ki iing.

Ha kane ka jingsynniang marbam ka FKJGP la ialam da u president Jimy Phalangki haka jingiadonlang u Assistant Information Secretary FKJGP Thadlaskeiñ Circle Arwot Myria uba  long ruh u adviser jong ka Nartiang area unit ha ryngkat u General Secretary samla Wednesday Dkhar.

Ka FKJGP kala kyntu iaka sorkar bad bor district ba kan pynioh ki lad jingiarap sha baroh ki longiing kiba la shah ktah bad shah pyn julor haki bor jong ka mariang ha kane ka taiew kaba la dep n aka jingwan ther u slap.