Synñiang ka FKJGP Thadlaskein da ki tin sopïing bad marbam sha ki lanot pluh ïing ha Ummulong

Syllad | The Rising MeghalayaNovember 26, 2021

Ka Federation of Khasi Jaintia and Garo People (FKJGP), Thadlaskein Unit kala synniang da ki tin sopïing bad ki marbam sha ka lanot pluh iing haka shnong Ummulong.

Ia kine ki marbam bad ki tin sopiing la leit ban aiti haka jingialam u Rustom Rymbai bad u Ialam Pariat haka sngi Palei.

Kane ka longïing kaba iakynduh ia kane ka jingjia pluh iing ka dei ka iing jong ka kong Mansuk Challam ha kaba kala duh ruh iaki ar ngut ki khun ha kane ka jingjia kaba la jia haka 21 tarik une u bnai.

Naka liang ka FKJGP kam lah khlem da pynpaw iaka jingsngewsih halor kane ka jingjia bad phah iaka jingsngewlem sha baroh kiba iadei bad kane ka longiing.