Synñiang ka HYC da u khaw bad ki tin sopïing sha u rangbah ba duh noh iaka kjat

Syllad | The Rising MeghalayaFebruary 23, 2021

Ka Hynniewtrep Youth Council (HYC), East Jaiñtia Circle haka sngi ba Ar kala synñiang da u khaw bad ki tin sopïing sha ka longïing u rangbah ba shah ot kjat hadien ba ula kem pang.

Une u rangbah u dei u Siswillfor Dkhar uba la don ruh lai ngut ki khun ba dangrit, hynrei hadien ba ula kem pang ha ka bynta ka kjat la hap ban ot iaka bad kane kala pynlong ia u ban kynduh ia u mawsiang bad ula kynduh jingeh bha ban pyndap iaka jingdonkam ha ka iing ka sem jong u ha kine ki 11 bnai bala dep.

Ka shnong une u rangbah ka dei naka shnong Musniang Kmai East Jaiñtia Hills District.

Ki dkhot ka HYC na East Jaiñtia Circle haka jingialam u Michal Chyrmang vice president hadien ba kila ioh jingtip une u rangbah kila rai ban synniang da u khaw bad ki tin sopïing ban ioh jingiarap ba shipor une u rangbah.

Ka HYC kala kyntu iaka longiing une u rangbah ba um dei ban ban duh jingkyrmen hynrei ki dei ban shaniah ha U Blei ia kiei kiei baroh uba don laka jong ka plan n aka bynta uwei pa uwei u khun bynriew.