Synñiang ka JSM da u khaw bad pisa sha ka longïing ba shah thangkba ha Thadmuthlong B

Syllad | The Rising MeghalayaNovember 16, 2020

Ka Jaiñtia Students’ Movement (JSM) Laskein Circle kala synñiang da u khaw bad ka pisa sha ka longing kaba shah thang kba haka shnong Thadmuthlong B, West Jaintia Hills District.

Kine ki longiing kiba shah thang ia u kba ula sah satang ban lum shapoh u thiar dei jong ka kong Wis Papiah bad ka kong Arnet Suchiang.

Nakaliang ka JSM Laskein Circle kum ka dak ban iarap ia kine ki ar tylli ki longiing da ka jingkyrshan ka JSM (Western region) haka sngi Nyngkong.

Ka JSM kala pynpaw ba ka dap da ka jingsngewkhia hadien ba la tip ia kane ka jingjia bad kila iakynshew hapdeng para dkhot bad rai ban nohsynniang sha kine ki ar tylli ki longiing.

Shuwa ban aiti ia u khaw bad ka pisa la don ka jingialang kaba lyngkot kaba pyniaid da u President Western Region, Chanbor Sungoh, la ioh jingkren na u PS Phawa, Incharge WJH, Sunni Bareh Working President (WR), u Phresmi Suting Vice President Thadlaskeiñ Circle, Nickson Sungoh Organising Laskein Block, ka Nida Dkhar GS JSM Women’s wing, Ribok Biam GS Laskein,bad kiwei kiwei bad ka kyntien khublei na u Fortunate Suiam President Laskein Circle.

Nakaliang ka JSM kala kyntu ruh iaki pulit ban thwet ia ki runar ba donkti bad ban pynshitom iaki katkum ki kyndon jong ka aiñ. La kyntu ruh iaka ophis u BDO Laskein ban pynioh lad jingiarap katba lah kloi ia kine ki iing ba shah thangkba.