Synñiang ka Khliehriat Congress committee da ki shuki sha ka VO ha Iongkaluh

Syllad | The Rising MeghalayaJanuary 13, 2021

Ka Khlehriat Block Congress Committee kala kner laka kti jingiarap jong ka da kaba ai sngewbha da ki shuki plastic sha ka Iakyrshanlang Village Organisation (VOs) kaba don haka shnong Iongkaluh East Jaintia Hills District haka sngi ba Ar.

Shuwa ban aiti ia kine ki shuki la donka jingialang kaba lyngkot kaba pyniaid  da ka Kong Betrin Kyndiat ka President Ka Village Organisations (VOs), Iongkaluh.

La ioh ka jingkren lyngkot na u Piwel Shylla uba dei U working President ka Khliehriat Block Congress Committee bad na U Ma Pheinlang Siangshai, Vice President ka Khliehriat Block Congress committee bad kumjuh da U President ka Khliehriat Block Congress committee U Ma Deibormi Syad.

Laiadonlang ki dkhot bad secretary ka VO ka Ieitlang Dkhar bad kiwei kiwei.

Ka Khlehriat Block Congress Committee kala kitbok kitrwiang ia kane ka VO ba kan nang iaid shaphrang haki kam ki jam bad ban pynneh iaka jingtylli hapoh ka kynhun khnang ba kin jop ha kino kino ki kam ba ki trei.