Synñiang ka KSU da ka tin sop ïing sha ka skul ba jot ha East Jaintia Hills

Syllad | The Rising MeghalayaJune 10, 2022

Ka KSU East Jaintia Hills District Unit kala synniang da ka tin sop ïing sha ka skul ba jot tnum bad pei um ka skul ha kawei ka shnong ha East Jaintia Hills District haka sngi Balang.

Kane ka skul kaba hap ban mad iaka jingeh bad shah ieh khlem maramot ha ka tnad pule puthi ka dei ka Ummat Lakadong Government LP Skul, Lakadong.

Ka KSU kala ong ba kane ki khynnha skul ki hap ban shah iaka sngi u slap bad haba jur bha u slap la hap ban ai shuti iaki khynnah skul ba jaw um ki kamra klas.

Ia kine ki tin sop iing la aiti ka KSU haka jingialam assistant organising secretary ka KSU East Jaintia Hills District haka jingiadonlang ki nongkitkam ka KSU Lakadong Unit.

Ka KSU kala ujor sha ka SDSEO ka district, hynrei ym shym la don kino kino ki dak ki shon ban sdang maramot ia kane ka skul.