Synniang ka KSU da u khaw sha ki nongshong shnong Sohkymphor

Syllad | The Rising MeghalayaMay 13, 2020

Ka Khasi Students Union (KSU) kala iai bteng ba kner laka kti jingiarap jong ka sha ki paidbah nongshong shnong ha East Jaintia Hills da kaba iarap ban ai sngewbha da u khaw.

Ka KSU Central Executive Council(CEC) haka jingialam u SS Niangti ryngkat ka jingiatreilang ka KSU Sohkhymphor Unit ka la ioh ban ai jingiarap sha ki palat 30 tylli ki long iing ha ka Shnong Sohkhymphor haka 11 tarik une u bnai.

Kane ka jingiarap ka KSu khaw sha kine ki longiing, kidei kito ki longiing kiba shah ktah bha n aka jingkhang dam ha kaba kim ioh ka lad ban trei bylla man ka sngi ban pyndap ia la ka jong ka jingdonkam ka iing ka sem ka jong ki.

Ka KSU kala mih shakhmat ban iarap iaki longiing kiba shah kum shi bynta ban kyrshan bad ban iasnohktilang haka jingiakhun iaka khlam COVID-19, nalor kane ka shnong ka KSU kala iarap ruh ha ki bun tylli ki shnong ha kine ki khyndiat sngi.

Ha kane ka jingsam khaw ka KSU ha Sohkymphor la donlang u General Secretary jong ka seng KSU Khliehriat Circle, Cherity D.Suja, President KSU Sohkymphor Rimiki Lyngdoh, u General Secretary Daily Star Lyngdoh bad kiwei kiwei.