Synniang ka KSU Jowai da ki jain kup sha ki longiing kiba duk

Syllad | The Rising MeghalayaNovember 30, 2020

Ka Khasi Students’ Union, Jowai Unit kala synniang da ki jain kup sha ki longiing kiba duk haka sngi Saitjain ka taiew kaba la dep.

Ïa kane ka prokram synniang jain kup ka KSU la pynlong ha Bosco Pnar Jowai kaba iadonlang u Ewanmi Phawa, u Leningrad Tariang, organising secretary nalor kiwei kiwei.

U Ewanmi Phawa ula ong ba ka KSU kala rai ban ai sngewbha da ki jainkup sha ki katto katne ki longiing hadien ba la iohi iaka jingeh jingkyrduh ba iakynduh kine ki longiing. “Ka KSU kan ym shong kli kti bad kan wad ki lad ki lynti ba kumno ba kan nang lah shuh shuh ban iarap ia kino kino ki para doh para snam jong ngi kiba shem jingeh lane jingjar,” ong u Ewanmi.