Synñiang ka Seng Khasi Tyrsad da ka ïing ia kawei ka longkmie

Syllad | The Rising MeghalayaNovember 24, 2020

Ka Ehrngew Committee ka Seng Khasi Tyrsad Circle, ha ka 22 tarik mynta u bnai Naiwieng 2020, ka la pynpaw ia kawei na ka kam ba bha tam ka jong ka, bad kane ka long ba  ka la lum la lang ia u synniang pisa, ban iarap ha kaban aiti da ka ïing shong ïing sah, ia kawei ka longiing kaba mad shisha ia ka jingeh  jingkyrduh ha ka long iing ka jong ka.

Ia ka ïing kaba la dep ban shna bha ia ka, la leit ban aiti ia da ki arngut ki vice president ka Seng Khasi Kmie, ba kynthup ia u Rgh Arwan Singh Tariang bad kumjuh u Rgh O. Pyngrope, ha ka shnong Umlangmar kaba don 16 tylli ki tnum iing Seng Khasi.

Ia kane ka iing la aiti da kine ki arngut ki Rangbah ka Seng Khasi Kmie ryngkat ka jingsakhi lang ki nongkit kam ka Seng Khasi Tyrsad Circle  sha ka kong Melinda Nongbet, ia kaba la sakhi lang ruh da ka kynhun u riew tymmen riew san jong ka Sengbah Nongshat Nongkhein.

Shwa ban shim ia ka sien jam ban pynshna ia ka iing ia kong Melinda, ki dkhot ka Seng Khasi Tyrsad Circle, ki la pynlong da ka jingjurip kaba bniah bniah ia  bad hadien ba la lum  ka lang jingtip kaba tikna bad ba bniah bha, ba ka Eh-rngiew Committee ka Seng Khasi Tyrsad Circle, kaba la shim ia ka rai ba mynta ka kynti, kan kner shwa ia ka kti ban iarap ban pynshna ia kane ka iing naka bynta ka kong Melinda.

Ka daw bah kaba pynlong ia ka Seng Khasi Tyrsad ban mih shakhmat ban leh ia kum kine ki kam ba bha ka long ba  ka buh ia ka ia ka thong ban iarap parabriew kaba  long ka kam jong u Blei nongbuh nongthaw.

Hadien ba la dep ban ia mynjur lang na ka bynta ban pyntei da ka iing, ka  komiti ka la trei shitom ban lum i’u synniang u bynhei naki paradoh parasnam ki kher ki mer  bad dei lyngbah ka jingkylluid mynsiem jong ki ba ka pynlong ia ka komiti ba kan  lah ban pynurlong iaka kaei Kaba ka don ia katta ka jingangnud,.

Hooid, kum ka seng haba ka shim bad leh ia kum kine ki kam ba bha, kam mut ba ka pynbud lane pyrthuh nano nano, hynrei ka dei ka jingkyan ka mynsiem jong ki dkhot, kiba sngew don ia ka jingkit khlieh ba donkam ban leh eiei.

Da kaba bud ruh ia ki nuksa jong ka thymmei pyrkhat ki 16 ngut ki riew rangbah kiba lah seng ia ka Seng Khasi haka lynti jong ka tip briew tip Blei ba dei sa ha  kane ka pateng ba  mynta kein ban leh eiei bad ban kynmaw ban  ia tip lem para riew seng, namar ba ka snam jong kitei ki 16 ngut ki riew Rangbah ka la tuid ha ki thied snam jong  ki pateng mynta ban im ka jaitbynriew bad skhem ka niam.