Synniang marbam ka Pioneer Adventure Tour ha Shnongpeng

Syllad | The Rising MeghalayaMay 13, 2020

Ka Dorbar Shnong Shnongpdeng ka ai khublei kyrpang ia ka Pioneer Adventure Tour (PAT) ba na Shillong na ka bynta ka jingnoh synniang jong ka sha ki nongshong shnong ha ka 11 tarik mynta u bnai da u khaw 12 byrni, u dai 30 kg bad ka umphniang 30litre.

La aiti ia kine ha u General Secretary Bah Lurman B. Talang bad ki dkhot committee shnong ba iadonlang.

U Bah Lurman ula ong ba ka Dorbar Shnong ka pynpaw ba kane jingsynniang marbam ka PAT ka long ka jingkyrkhu kaba khraw ha kum kane ka por namar bun na ki nongshong shnong ki don hapdeng ka jingduna ha ki liang baroh. Ka shnong ka pdiang ia kine ki jingai sngewbha bad ka pynpaw ruh ba U Blei un donlang ryngkat bad u trai u ka PAT u Jason Jarman Lamare bad ki nongtrei u ba kin nang lah ban pyntyllun ia ki jingiarap jong ki sha kiwei pat ki jaka hapoh ka jylla jong ngi.