Synniang u CE barim ka Water Resources da u khaw sha ka kur Phawa ha Mihmyntdu

Syllad | The Rising MeghalayaApril 29, 2020

U Chief Engineer barim ka Water Resources Meghalaya, Ma KD Phawa ula kner iaka kti jingiarap jong u sa sha ki 165 tylli ki longing jong ka kur Phawa haka shnong Mihmyntdu haka sngi Balang.

Kane ka jingsynniang jong u kadei kum shibynta ban kyrshan lem iaka sorkar bad ki paidbah haka jingiakhun pyrshah iaka khlam COVID-19, kaba la hap ban shong ha iing na ak jingkhang khyrdep.

Ha kane ka jingsam khaw ha katei ka shnong la iadonlang Abul Phawa Waheh Shnong Mihmyntdu bad kiwei kiwei ki riew rangbah ka kur Phawa.

Ka kur Phawa kala pynpaw ka jingsngewnguh ia u ma KD Phawa uba la synniang da une u khaw haduh 28 quintal.

La iadonlang ha kane ka jingsam khaw naduh u ma Nobert Phawa, ma Benshuh Phawa, ma Kynmoo Phawa bad ma Jrome Biam Rangbah dong Lumpyrdi.

U Ma KD Phawa ula kyntu ia kiwei ki para kur Phawa Siangshai kiba kham biang haka ioh ka kot ba kin mihshakhmat ban iarap iaki para kur ha kum kane ka por ba ki mad jingeh bad shem jingshitom ban ioh iaki mar bam mardih.

“Nga wan na ka longïing kaba duk, hynrei ka jingdon ryngkat U Blei bad ka jinghikai kaba nga la ioh na ka niam Kristan kala hikai ia nga ban ieit iaki para briew bad ban iarap haka khim ka khait,” la ong u KD Phawa bad kyntu ia baroh ban bud ryntioh iaki jingbthah ka sokar ban iada n aka jingphriang ka khlam COVID-19.