Synniang u CEM JHADC da ki sboh bad symbai sha ki palat 700 ngut ki nongrep

Syllad | The Rising MeghalayaMay 12, 2020

U Chief Executive Member (CEM) jong ka Jaiñtia Hills Autonomous District Council (JHADC) u Ma Thombor Shiwat ula kner la ka kti jingiarap da kaba synniang da u symbai kba bad ka sboh dawai sha ki paid nongrep hapoh ka constituency jong u, ka Nartiang Umladang haka sngi ba Ar.

U Ma Thombor ula ong ba hadien ba ki paid nongrep kila ud kila nam sha u ba kim ioh symbai bad sboh ban rep ban riang, ula wad ki lad ki lynti ban thied na ki briew shimet ban thied ia kine ki symbai bad sboh ban iarap iaki nongrep ka thain.

“Kane ka jingsynniang jong nga da kine ki sboh bad symbai kba ia ki paidbah nongrep kadei kum shibynta ban kyrshan ïaki paid nongrep kiba shah ktah na ka jingkhang khyrdep (lockdown) ban iakhun pyrshah iaka khlam COVID-19 kaba la sar ha kylleng ki ri ka pyrthei bad ka ri kumjuh ka Jylla,” la ong u CEM Ma Thombor Shiwat.

U CEM ula iathuh ba ia mynta ula mang ban ai bad iarap iaki 700 ngut ki nongrep ka thain Nartiang Umladang.

Ia kine  nongrep kiba la shah ktah bha bad kiba ym don lad shisha ban thied ia kine ki symbai bad ki sboh dawai ban rep ban riang la jied da ki Waheh Shnong na ki shnong bapher bapher.