Synñiang u rangbah na Trangblang da ki marbam sha ki briew ba don jingduna ha Moosakhia

Syllad | The Rising MeghalayaApril 19, 2020

U Ma Firstborn Mannar naka shnong Trangblang West Jaintia Hill District da ka jingsngew khia mynsien ula kner la ka kti ban iarap iaki briew kiba don jingduna haka met ka phad haka shnong Moosakhia haka sngi Saitjain.

Une u rangbah ula iarap bad ai sngewbha da u khaw, phan, umphniang bam bad kiwei de ki jingdonkam ia kumba laiphew ngut ki nongshong shnong jong ka shnong Moosakhia kiba don ka jingduna haki dkhot met bad iaki ba la noh ka rta.

Ha shwa ban sam ia kine ki jingbam ladon shwa ka jingialang kaba lyngkot ha phyllaw ka iing dorbar jong ka shnong bala pyniaid da i bah Reaking Muksor haka jingiadonlang I rangbah shnong Bah Ribiang Paksang, Bah B Kharshohnoh Secretary VDP bad ki nongioh bynta.

Haba ai jingkren naka liang I rangbah shnong bad VDP shnong kila pynpaw ka jingsngew nguh kaba khraw ia I bah Mannar namar ka jingkylluid mynsiem jong i ban iarap iaki para baduk ba rangli namar ba ki khlem ioh shuh ban leit bylla naka daw ka jingkhang shnong ban iada naka jingpang iabit COVID 19.

Kila iaroh ia u bah Mannar uba kynmaw bad phaikhmat sha kiba don jingduna haka met bad ban iarap  ia kine ki nongshong shnong ki bym lah ban trei ban ktah naka daw ka jingduna dkhot met bad iaki bala noh ka rta.

Ki la ai ki kyntien kyrkhu kyrdoh ia i bah Mannar ba un ïoh ka met kaba shait kaba khlain haki sngi ki por ba dang wan bad ruh U Blei un kyrkhu kyrdoh ia ki kam ki jam kiba u trei.

Naka liang i Bah Firstborn Mannar i pynpaw ka jingsngew kmen kaba khraw haba i ioh kalad ban iarap ia kiba donkam shisha ka jingiarap, bad u ngeit skhem ba kane ka jingiarap barit jong u kanlong ka jing kyrkhu iaki baroh ba ioh pdiang ia kane ka jingiarap.