Synreit dawai khniang ha District Jail Jowai

Syllad | The Rising MeghalayaApril 7, 2020

Ki nongpeit ïaka District Jail Jowai kila pynlong ïaka jingpynkhuid bad synreit dawai khniang ha District Jail Jowai baroh kawei haka sngi Nyngkong.

U Bah Batskhem Nongbri, Jailor District Jowai Jail, ula ong ba kila pynlong ïa kane ka jingsynreit dawai ban pynïap ïaki khniang, kumjuh ruh ban ïasnohkti lang bad ka sorkar halor ban ïakhun pyrshah ïaka khlam COVID-19.

Ïa kane ka jingsynreit dawai la sdang naduh ka 10:30 mynstep bad la ïadonlang u Senior Medical and Health Officer Dr Defender Pariat, u pharmacist, ki head warder, ki warder, ki nongtrei na PHE (Swachh Bharat Mission).

Ïa kane ka jingsynreit dawai la pynlong da ka jingkyrshan jong ka ophis u District Medical Health Officer, West Jaintia Hills.