Synreit dawai khniang ka JSU ha Nongtalang CHC

Syllad | The Rising MeghalayaApril 28, 2020

Ka Jaintia Student Union (JSU), War Jaintia Circle kala pynlong iaka jingsynreit dawai pyniap khniang ha Nongtalang CHC, Nongtalang, West Jaintia Hills District haka sngi Nyngkong.

Ka JSU War Jaintia Circle ka la pynlong ia kane jingsynreit dawai khniang jum shi bynta ban pynkhuid iaki khniang bad ban iada n aka jingphriang u khniang COVID-19.

Ha kane ka juh ka sngi kala tah ruh iaki dor jong ki marbam ha ki jaka pynlong iew katkum ki dor ba la buh da ka ophis jong ka SDO, Amlarem Sub-Division khnang ban weng iaki jingeh jong ki paidbah kiba la ud iaka jingkiewdor ki marbam.

Ha kane ka sngi la iadonlang u Eddy Kery Pohtam President JSU- WJC, u Kerrydiam Lamin General Secretary, u Jai Pohsna Vice President, u Erickson Khonglah Sports Secretary bad kiwei pat ki dkhot.

Ka JSU-War Jaintia Circle ka la ong ba nangne shakhmat kan iai bteng ban pynlong iaka jingsynreit dawai khniang sha ki jaka sumar kum haki PHC, ki Sub-Centre bad ki jaka pynlong iew.