Synreit dawai ki nongtrei ka SMB ha kylleng ki jaka lum paidbah, katba ha Jowai

Syllad | The Rising MeghalayaMarch 21, 2020

Ki nongtrei jong ka Shillong Municipal Board (SMB) mynta ka sngi kila synreit dawai pyniap khniang ha kylleng ki jaka lum bha ki paidbah ha ka kynta khang khyrdep ia baroh ki iew, ki dukan ban iakhun pyrshah ban pyndkut ia u kynjri jong u khniang coronavirus.

Kane ka jingsynreit iaki dawai pyniap khniang la pynlong ha baroh ki iew ki hat ki dukan, ki ATM bad ki shnong ki thaw.

Kane ka jingsynreit ia ki dawai ha ki jaka paidbah ka dei ban pynkhuid ia u khniang ba har rukom bad ban tem ïaka jingpur COVID-19 (coronavirus), uba la sar ha kiba bun ki ri bad shim iaka jingum jong ki briew.

Ka SMB kala kyntu ia baroh u paidbah ban long kiba lehkhuid bad ban bud ryntih ïaki jingai jingmut ban iada ïalade bad  ia kiwei na u khniang jingpang coronavirus.

Ka SMB kala pynmih ruh da ka jingpynbna ba khang pyrshah ban bynthiew umbiah kat shaba lap bas hem ha ki jaka paidbah bad lada lap ban yn pynshitom.

Katba ha Jowai ki paidbah kila ai ka jingiatreilang bad ka sorkar ban rakhe ïaka Coronavirus Awareness Day, hynrei ki jaka iew la syrtap da ki ñiut ki nier ha ki basa iew bad ym don b alum ba lang ïa kine ki ñiut.