Syrtap ki jaboh ha Wah Myntdu, la donkam ban leh eiei

Syllad | The Rising MeghalayaFebruary 6, 2021

Ka Seng Khooid Ya Ka Wah Myntdu haka sngi Saitjain kala hiar jurip iaka Wah Myntdu, naduh jingkieng Pamblah ter ter shaduh jingkieng Treiongriang.

U Dao Hi Manar, Youth Convener ula iathuh ba ki dkhot ka Khooid Ya Ka Wah Myntdu bad ki riew shimet kila mih naduh dangstep haka por 8 AM ban hiar jurip ia kane ka wah kaba bsa umbam umdih iaka Jowai.

Ha kane ka jingjurip kila lap ba ka wah Myntdu kala syrtap da ki jaboh plastic bad har rukom ki jaboh ba pyntuid ki briew sha kane ka wah.

Ka Khooid Ya Ka Wah Myntdu kila pynpaw iaka jingbynñiaw haba iohi ia kane ka jingjaboh ka wah Myntdu bad kala pynpaw ba kala donkam ban leh eiei ban iada ia kane ka wah.

Kane ka seng kala pynlong ruh iaka jingpynkhuid bad kila lap har rukom ki jaboh naduh ki diapers, bitor, ki sanitary pad, ki briew kiba sait jain bad kiwei kiwei kiba ktah iaka koit ka khiah u briew ba pyndonkam ia kane ka um ban dih ban bam.