T.1.44 klur ioh lum khajna na ka jingpynlong ia ka tamasa Cherry blossom: Paul

Syllad | The Rising MeghalayaFebruary 23, 2024

U Myntri ba dei khmih ia ka Tnat Tourism, u Bah Paul Lyngdoh ha ka 22 Rymphang u la pyntip hapoh ka iingdorbar thawain ba ka sorkar ka la ioh ban lum haduh T.1.44 klur kum ka khajna na baroh ki hotel ha u bnai Naiwieng 2023, ha ka por ba la pynlong ia ka Tamasa ‘Shillong Cherry Blossom Festival.’

Haba ia nujor ba ka jingioh lum khajna ha u bnai Risaw uba hashwa, ka long T.1.36 klur, ong u Myntri haba jubab ia ka jingkylli ba la wanrah da u nongmihkhmat ka VPP na North Shillong, u Bah Adelbert Nongrum.

Nalor kata u Bah Paul u la ong ruh ba ka jingpynlong ia kane ka tamasa ka la khring ia haduh kumba 22,991 ngut ki nongwan shangkai na kylleng.