T.1 lak 10 hajar ai ka Dorbar Shnong Tympang sha CM Relief Fund For COVID-19

Syllad | The Rising MeghalayaApril 3, 2020

Ka Dorbar Shnong Tympang Iawmusiang kala synniang haduh T. 1 lak 10 hajar sha ka Chief Minister Relief Fund for COVID-19.

Ia kane ka pisa ka dorbar shnong Tympang Iawmusiang kala leit ban aiti hapoh ka jingialam u Waheh Shnong Edystone Shylla bad u General Secretary u ma Ajoy Lywait ha u Deputy Commissioner, West Jaintia Hills District Ma Garod LSN Dykes mynta ka sngi ha kamra treikam jong u.

Ka Dorbar Shnong Tympang kala rai ban synniang ïa kane ka pisa khnang ba ka sorkar hapoh ka jingialam u Myntri Rangbah ka Jylla kin ioh ban pyndonkam ha kaban pyniaid shakhmat iaki kam ha kaba dei ban pynbiang iaki lad jingiada iaka ki shnong ki thaw bad ki jaka sumar haka jylla ban lait na ka jingpur u khniang Coronavirus.

Ka Dorbar Shnong Tympang kala kyntu iaki paidbah salonsar ha baroh kawei ka Jylla ban ai ka jingiatreilang bad ka sorkar khnang ban lah ban pyndkut ia u kynjri jingpur u ne u khniang ba shyrkhei uba la shim ia ki hajar ngut ki mynsiem ha kylleng ki ri haka pyrthei.