T.103 klur pan jingïarap pisa ka JHADC na ka tnad Tribal Affairs
JOWAI: Ka Jaiñtia Hills Autonomous District Council (JHADC) hapoh ka jingalam u ma Thombor Shiwat Chief Executive Member (CEM), JHADC ha ryngkat u Deputy CEM JHADC u Ma Lasky Rymbai, u EM Taxation ma Winning Garland Sungoh, u ma Lakhon Dkhar, MDC Khliehtyrshi bad u Nominated MDC u ma Octomewot Lamin kila leit sha nongbah Delhi ban ia kynduh ïa u Arjun Munda, Union Minister jong ka tnad Tribal Affairs ban pan jingarap song pisa T.103 klur na ka bynta ki kam ban kyntiew iaka jngoh kai bad pynneh pynsah iaka kolshor.
U Ma Thombor Shiwat CEM, JHADC ong ba ha kane ka jingïakynduh ïa u Arjun Munda haka sngi Balang kila ai daka dorkhat ban shna ïaka Jaiñtia Tribal Museum, Preservation of Heritage Sites, Tribal Cultural Programme & Eco Tourism kaba kila mang haduh T.103 klur.
![](https://www.syllad.com/wp-content/uploads/2024/09/JIT-Vacancy-823x1024.avif)
“Kane ka jingleit ïa kynduh jong ngi ïa une u Myntri ka tnad Tribal Affairs kalong kaba seisoh bad ula kular ban shimkhia ban pynïoh song jingiarap pisa sha ka konsil ban pynbha ban pynneh pynsah iaka mati ki longshuwa ha kane ka thain bad ka kolshor bad ka kam jngohkai,” la ong u ma Thombor haba kren lyngba ka phone bad u syllad.com na nongbah Delhi.
Une u Myntri ula ai ksai ba un theh ki lad jingiarap sha ka konsil khnang ban kan pynshlur ia ki nongshong shnong ka thain ba kin tyngkai ïaki jingbuh jingsat u barim bad ban pynneh pynsah iaka riti ka dustur jong ka jaidbynriew jong ngi, la pynkut u ma Thombor Shiwat.
Leave a Reply