Tam ka East Khasi Hills haka jingioh khur takma haka Meghalaya Games
Ka sngi kaba ar jong ka lympung ialehkai 5th Meghalaya Games ba la long ha sorbah Ura, West Garo Hills District ka long ba la don kumba kato katne ki jait jingialehkai (discipline) kiba la poi noh sha kaba kut mynta ka sngi Balang jong ka taiew.
Ki jingialehkai kiba la lah ban pynhap noh ia ka pyrda ka jong ki ka kynthup naduh ka Karate, Badminton, Swimming, Gymnastic, Golf.
Ha baroh kine ki jingialehkai lah ruh ban ong ba ki nam tam baroh kidei khambun na ka East Khasi Hills District.
Badminton: Lada ngin iaphai sha ka jingialehkai ia ka badminton, ka kynhun ki rang bad ki thei ialehkai na East Khasi Hills, ki la leit phai sha la iing bad kiba bun tylli ki nam jop, ha kaba ha ka jingialehkai kaba para marwei jong ki kynthei ka Netania T tariang ka la lah ba kan pynliem noh ia ka Shimtihum Lyngdoh ka West Khasi Hills bad ka takma rnong la khur ia ka da ka thei ialehkai kaba dei na West Khasi Jaintia Hills bad ka West Garo Hills, katba ha ka jingialehkai kaba shi jur ne ka doubles jong ki kynthei, ka nam jop ka leit sha ki shi jur ki thei ialehkai ka East Khasi Hills ba la mih madan da ka Netaniya bad ka Caralinda Nongbri hadien ba ki la lah ban pynliem noh ia ka Shimtihum bad ia ka Doreenzia Kharbani. Jong ka bad iaka takma rnong na kane ka jingiakob la khur da ki shi jur ki thei ialehkai jong ka West Jaintia bad West Garo Hills.
Katba ka resol na ka jingialehkai jong ki shynran ka long ba haka jingiakhun kaba para marwei (singles) u lahduh dei u Reynel Kharbuki hadien ba u la lah ba un pynliem noh ia u Stephan Marwein bad baroh arngut kidei jong ka East Khasi, ka takma rnong na kane ka kyrdan iakhun ka leit sha ki rang ialekai jong ka Eastern West bad Ri-Bhoi, ha ka jingialehkai kaba shi jur (doubles) u Reynel uba la mih madan lang bad u Prathan Majumdar ki la lah ban pynliem noh ia u Banshabor Lamare bad Lechan Suchiang. Ribhoi katba ka takma rnong la khur ia ki da ki nongialehkai ka West Garo Hills.
Wushu: Ha ka jingialehkai Wushu kaba la long ha Don Bosco School la khur jingjop da ki district bapher bapher, watla ka East Khasi Hills ka dang dei ka district kaba la lah ban khur bun tylli ki jingjop.
Tad haduh ban da wanlam ia kane khubor ka East Khasi Hills district ka la khur khyndai tylli ki takma ksiar ha ki kyrdan ialehkai bapher bapher.
Ha ka sub junior boys (45 kg), ia ka takma ksiar la khur da ka Eastern West Khasi Hills hadien ba la la lah ban pynliem noh ia ka West Khasi Hills. Katba ia ka takma rnong la khur da ka East Khasi Hills bad ka South West Khasi Hills.
Ha ka sub junior boys (35 kg), ka East Khasi Hills ka la lah ban pynliem noh ia ki nongiakhun kiba na South West Khasi Hills bad ia ka takma rnong la khur da ka Ribhoi.
Ha ka junior boys (45 kg), ka South Garo Hills ka la khur ia ka takma ksiar hadien ba ka la jop ia ka West Khasi Hills, katba ia ki takma rnong la khur da ka East Khasi Hills bad East Jaintia Hills.
Ha ka liang ka senior men (45 kg), ka Eastern West Khasi Hills ka la ah ban pynliem noh ia ka East Khasi Hills. Nalor kine ym shym la don shuh kiwei pat ki ban khur ia ka takma rnong hadien bay m don shuh ki nongialehkai ha kane ka kyrdan.
Ha ka junior boys (45 kg), ka North Garo Hils ka la jop ia ka South West Khasi Hills. Ia ki takma rnong la khur da ka West Khasi Hills and East Khasi Hills.
Ha ka junior girls (45 kg), ka East Jaintia Hills ka la khur ia ka takma ksiar, katba ka West Khasi Hills ka la khur ia ka takma rupa. Ia ka takma rnong la khur da ka Ribhoi bad ka West Goaro Hills.
Ha ka junior boys (48 kg), ka West Khasi Hills ka la khur ia ka takma ksiar hadien ba ka la lah ban pynliem noh ia ka Eastern West Khasi Hills. Ka East Jaintia Hills bad ka South Garo Hills ki la khur ia ka takma rnong.
Ha ka Junior girls (48 kg), ka East Khasi Hills ka la khur ia ka takma ksiar, ia ka takma rupa la khur da ka West Khasi Hills bad ka West Garo Hills ka la khur ia ka takma rnong.
Haba phai sha ka junior girls (52 kg) la khur da ka East Khasi Hills hadien ba la la lah ban pynliem noh ia ka West Khasi Hills. Ia ka takma rnong la khur da ka South West Khasi Hills bad ka South Garo Hills.
Karate: Haba phai sha ki jingialehkai jong ka Karate, ka kynhun ialehkai jong ka East Khasi Hills District kynthup ia ki kynthei bad shynrang ki la ioh ban kin khur mar san tylli ki takma ksiar ha kaba kut jong ka jingiakhun jong ka Meghalaya Games ha Tura.
Haba phai ha ka liang ki shynrang, ka East Khasi Hills ka la khur mar saw tylli ki takma ksiar bad rupa abd saw tylli ki takma rnong, katba ha ka liang ki kynthei ki la ioh ban kin khur san tylli ki takma ksiar, saw tylli ki takma rupa bd khyndai tylli ki takma rnong. Katba ka kynhun jong ka West Jaintia Hills District ka la wan ba-ar ha ka liang ki kynthei bad shynrang da kaba ki la ioh ban khur mar kawei ka takma ksiar bad rupa. Ka West Khasi Hills ka la wan balai hadien ba ka la khur tang kawei ka takma ksiar.
Swimming: Ka Pdiangsuklang Syngwan bad u Banpynshngainlang Syngwan kiba long ruh ki ar ngut ki samla jngi um ba la mihkhmat ia ka Jylla ha ka lympung jong ka National Games kaba la long ha Goa ba la long ha u snem ba la leit, ki la long ki ar ngut ki nongialehkai kiba kynsai tat haduh ba kin da ioh ban khur ia ka nam Best Swimmer.
Ha kaba kut jong ka jingiakop lada ngin ia phai sha ka jingioh khur takma ka kynhun ialehkai ka East Khasi Hills District ka la ioh ba kan khur 11 tylli ki takma ksiar, 11 ki takma rupa bad 10 tylli ki takma rnong. Bud pat sa ka South West Khasi Hills District kaba la wan ba-ar hadien ba ka la khur mar ar tylli ki takma ksiar bad rupa lem bad 3 tylli ki takma rnong. Katba kiwei kiwei pat ki district kiba kynthup ia ka Eastern West Khasi Hills, East Garo Hills District bad ka East Jaintia Hills District kim shym la lah satia ban ioh khur ia ki takma.
Gymnastic: Lada ngin ia phai pat sha ka jingialehkai ka Gymnastic, ki nam tam ne nongialehkai ba kynsai na kiba kynsai tam (all round champion) ha kane ka lympung ialehkai jong ka Meghalaya Games kaba 5 ba la long ha Tura ki long ba na ka liang ki shynrang dei u Mebantei Lyngdoh Marshillong bad na ka liang ki kynthei pat kane ka nam ka la leit sha ka Wansuk Merry Susngi, kaba dei ha ka kyrdan jong ka all round champion mini group, katba ka Wandalang B Malngiang ka la ioh ba kan rah ia ka nam ha ka kyrdan jong kiba la heh (senior).
Wrestling: Lada ngin ia phai pat sha ka iakob ia lympat ne ka wrestling, ka khubor ka jingmih paw jong ka sap ba nylla ka long na ka Ringchi K Sangma, Upper Wadanang, West Garo Hill, ka khynnah kaba dang 19 snem ka rta bad kaba pule ha Govt. Boys Higher Secondary School.
Kum ka nongialehkai ka Ringchi ka dang shu sdang ban pynleit jingmut ha kane ka jingialehkai hadien ba ka la pyniasnoh ialade bad ka synjuk jong ka Wrestling Association of WGHD kaba don tang kum,ba 23 ngut ki nongialehkai bad ba dang shu seng artad ia ka dang shi bnai mynshwa.
Ka Ringchi, ka la ioh ia ka jingshah hikai ha ki coach jong ka synjuk bad dei tad hynnin ka sngi, ba katta ka jingim ialehkai wrestling ka jong ka, ka la sdang ba kan mih paw hadien ba ka la ioh ba kan kiew rynsan nyngkong eh ban aireng pyrshah ia kiwei pat ki thei samla
Facebook
Instagram
Youtube
Twitter
Leave a Reply