Tang 1/2 shi ïing, lah ban leit ïew ong u DC East Jaiñtia Hills

Syllad | The Rising MeghalayaApril 17, 2020

U Deputy Commissioner ka East Jaintia Hills District u la pynbna paidbah ba khnang ba ki nongshong shnong kin lah ban leit thied ia ki jingdonkam ba manla ka sngi (Essential Commodities) ha ka por ba don ka CURFEW ha East Jaintia Hills District, ha ka 17.04.2020, 20.04.2020, 21.04.2020, 22.04.2020, 23.04.2020 bad 24.04.2020 lane haduh ban da pynbna da kum wei pat kan long kumne harum:-

1. Ba baroh ki FPS, NFSA and non NFSA kin plie iaki dukan ha manla ki shnong ban sam pyndep ia u khaw rashon ba dang sah  manla ka sngi  naduh ka por  9AM haduh 4PM.
2. Kine ki dukan ba jer kyrteng harum kin plie iaki dukan jong ki hapoh ki shnong lajong lajong ban ailad ia ki trai shnong ban thied jingthied naduh ka por 10 baje mynstep haduh 1baje mynsngi man la ka sngi naduh ka sngi nyngkong (Monday) haduh ka sngi Thohdieng (Friday)    

Ki dukan balah ban plie ha shnong ki dei  ki dukan jhur, dukan soh, dukan doh, ki dukan die grocery (dukan die marbam mardih), dukan die mobile recharge, dukan die bam dihsha (confectionary shops), dukan die cosmetics, dukan ai lyer tyre kali, dukan die jingbam ri-jingri, dukan ai jingsumar ia ki jingri jingdup, ki dukan die dawai (Pharmacy).

• Ia ki dukan Whole Sale pat ha iew Umpleng (Cement Market) yn shah ban plie ruh manla ka sngi nyngkong (Monday), sngi ba–ar (Tuesday), sngi balang (Wednesday) bad sngi palei (Thursday) naduh ka por 2PM haduh 4PM tang na ka bynta ban iarap ia ki nongthied jing-thied ba na ki thain Saipung, Muallian shaneng daka jingpynbeit bad ka jing bthah bala pynmih da kane ka Office lyngba ka Order No. NO.EJHD/COVID-19/2020/PT.II/11, Dt. 12.04.2020.
•  Ia ki dukan wholesale pat kiba ha Lad Rymbai, Khliehriat, Sookilo yn shah ban plie manla ka sngi naduh ka Sngi Nyngkong (Monday) haduh ka Sngi Thohdieng (Friday) naduh ka por 2PM haduh 4PM ban iarap ia ki nongwan thied jingthied na ki shnong ba jngai na ki thain khappud Assam bad Bangladesh kat kum ka jingpynbeit bad ka jing bthah bala pynmih da kane ka Office lyngba ka Order.  NO.EJHD/COVID-19/2020/PT.II/12, Dt. 12.04.2020. 
• ki jaka siew bill light jong ka MeECL kan long ha man la ki Community Hall jong ki Shnong naduh ka por 9 PM haduh 4 PM da ka jing ia sngewthuh lang ka bor pyniaid shnong bad ka ophis MeECL.
• Ki Bank ha East Jaintia Hills ki lah ban plie naduh ka por 10 AM haduh 4 PM ban iarap ia ki nongleit donkam ha ki Bank da ka jingiasngewthuhlang, jingiatreilang bad ki bor pyniaid shnong kiba hap hapoh ka service area jong ki Bank ban ai jing tip kaba tikna ba ha ka shi sngi yn plie ia ki Bank tang na ka bynta ki katto katne tylli ki shnong khnang ban lait naka jing bun briew bad jingkhapngiah (Cluster of villages approach ).
• Ki Rangbah shnong ryngkat ka jing iatreilang ki VDP, Seng samla, ki pulit kin pyniaid ryntih ia ka jingleit thied jingthied jong ki paitbah na ki dukan, ka jingleit donkam sha Bank  bad ban bud ia ka jing pynjngai iwei na iwei kumba 3 phut (Social Distancing)  kumba la bthah da ka sorkar lyngba ka Health Department.

• La bthah kyrpang ia ki bor shnong bad Paidbah ban bud ryntih ia kine ki Hukum:
• Baroh ki shnong ki dei ban pyndonkam ia ki VDP ne ki Volunteer na shnong ban iatreilang bad ka tnad pulit ha ka ban pyniad beit ia ki iew katkum ka jingbthah jong ka sorkar.
• Ban pyntikna ba ym dei ban ialum khapngiah ne ban iaknieh bad khih khohreh ha kano kano ka dukan
• Ki kali kim dei ban iaid ne ieng ha ka por ba shah ban plie dukan khamtram ha kane ka por ba dang hap hapoh ka Curfew. 
• La bthah kyrpang ban mih tang iwei ne arngut shi iing lada donkam eh ban thied jingthied
• Baroh ki dukan die jingdie ki dei ban iajngai kumba 4 meter ei ei na kawei ka dukan ha kawei pat ka dukan abd ban lehkhuid da kaba sait bha ia ki kti da ka um bad sabob hashwa bad hadien bala iadie iathied.
• Ki Nongdie kim dei ban die palat dor ia ki marbam mardih.

• Baroh ki dukan ki dei ban pynbiang ia ki jaka theh niut (Dustbin) ha ki jaka ba ki die jingdie.
• Baroh ki dukan ki dei ban lehkhuid
• Baroh ki dukan die jingdie kim dei ban ieh ia ki jakhlia ne ki niut hakhmat ki dukan jong ki hnrei ban bret ia ki ha ki jaka ba dei ban bret da ka jingiasngewthuh lang bad ki nong pyniaid shnong.
• Ki Bor shnong ki dei ban iatreilang bad ki bor district kumjuh ruh bad ki bor pulit.
• Baroh ki bor shnong ki dei ban bud ryntih ia ka jing ia ieng iajngai iwei na iwei pat (social distancing)

 LEH IA KINE:

• Ban long kiba lehkhuid bad ieng ia jngai iwei na iwei pat
• Ban sait kti man ka por.
• Baroh kiba leit thied jingthied kidei ban bud ia ki jingbthah jong ka sorkar
• Ban bret ia ki niut tang ha ki jaka ba dei ban bret.

YMBIT BAN LEH IA KINE:

• Ban ia khublei kti.
• Ban iajan badno re badno kiba don jyrhoh ne jingshit ka met.
• Ban ktah ia ka ktien, ka khmut bad ka khmat da ki kti bym pat sait bha.
• Ban synriah ne jyrhoh ha kti khlem da tap ia ka khmut bad ktien.
• Ban biah ha ki jaka paitbah.

Baroh kine ki jingbthah ha jrong dei ban bud ryntih da baroh.

District Public Relations Officer (DPRO) | East Jaintia Hills District, Khliehriat.