Tang 10 lak ioh khajna ka JHADC na ki mar khlaw haka shisnem

Syllad | The Rising MeghalayaJuly 10, 2023

Ha kano ka dur yn niew, la ka dei ka jinglait rud ka khajna shabar ka pla tyngka ka konsil ne ba duna jingoh khajna na ki mar khlaw kiba mih na ka rilum Jaintia ha kaba shisnem ka Jaintia Hills Autonomous District Council (JHADC) ka ioh khajna tang T.10,55,002 naduh u bnai Iaiong jong u snem 2022 haduh u bnai Jymmang une u snem.

Kane ka paw haka jingkylli kaba la wanrah da u MDC liang pyrshah u Robinus Syngkon. U Chief Executive Member JHADC ma Thombor Shiwat haba jubab ula ong ba na ki lai tylli ki Forest Beat House ka JHADC, ka Ratacherra kala ioh lum khajna T.63,700, Mookyndur T.9,81,852 bad ka Garompani T.9450.

U CEM ula ong ba baroh kine ki beat house ka JHADC ka don mar 10 ngut ki nongtrei bad ha kaba iadei bad ka jinglait rud ka khajna na ki mar khlaw kiba mih na Rilum Jaintia bad ha kaba iadei bad ka jinglait rud ka khajna ka JHADC ula ong ba kila pynbeit iaka rukom treikam jong ki nongtrei ban tem ia kino kino ki jinglait rud ka khajna.

Mynjur ka JHADC iaka resolution ban pyrshah iaka Uniform Civil Code