Tang 40 sngi ioh bainong ki shipai Home Guard ban long Volunteer COVID, ujor ka KSU sha u District Commandant

Syllad | The Rising MeghalayaOctober 3, 2020

Ka Khasi Students’ Union (KSU), Jowai Circle kala ong ba ki shipai Home Guard Volunteers for COVID -19 kila ioh bai nong tang 40 sngi wat hadien ba kila trei shitom la bun bun bnai ban iakhun pyrshah ïaka khlam ha West Jaintia Hills District.

Ka KSU kala ai da ka dorkhat sha District Commandant Home Guard jong ka West Jaintia Hill District haka 1 tarik une u bnai ban dawa pynioh bai nong ïaki shipai Home Guard kiba long kiba briew kiba hakhmat ban iakhun pyrshah iaka khlam COVID-19.

Ïa kane ka dorkhat la lei tai da u Justice Paul Lyngdoh, education secretary ka KSU, Ohibait Dkhar president KSU Jaintia Hills District unit bad u Morningstar Pasi President KSU Jowa iCircle.

Katkum ka dorkhat ka KSU kala dawa na ka ophis u District Commandant Home Guard, West Jaintia Hills ban siew dep mardor ia ka bainong jong ki Home Guard Volunteers COVID-19. “Naduh 27 tarik Lber (March) 2020 haduh u bnai September (Nailur) ka jingtrei jong ki Home Guard kala kynjoh 186 sngi baroh, hynrei ki dang ioh bai nong tang na ka bynta 40 sngi,” katkum ka dorkhat bala ka KSU sha u District Commandant.

Ka KSU kala kyntu ruh iaka bor district jong ka West Jaintia Hills District ban shimkhia lem ban peit iaka jingeh ki Home Guard kiba long ki briew kiba mih hakhmat ban trei na ka bynta ban iada naka khlam COVID-19.