Tang kiba trei mynsngi ioh nong mynmiet ba ïoh ïarap pisa naka MBOCWB

Syllad | The Rising MeghalayaApril 3, 2020

Ka skhim Meghalaya Building & Others Construction Workers Welfare Board (MCBOCWB) kaba iarap kyrshan pisa da ka Labour Department ia kiba bylla sngi kala kyntu iaki nongbylla sngi bad iaki Muster roll ba kin ym dei ban tieng ne iaknieh ban ieng lain ha ophis u Deputy Commissioner jong ka East bad West Jaintia.

Ka jingkoit jingkhiah kadei kaba kongsan bad kaba hakhlieh tam ia mynta bad lyngba kane ka khubor ngi kwah ban iathuh iaka jingshisha khnang ba kiba ioh hok kin ioh ka jingiarap bad jingkyrshan pisa na ka sorkar.

Katba dang don kane ka por ka ijngkhang khyrdep bad ba hap shong khop hapoh iing (Lockdown) kiba trei bylla kim lah shuh ban leit bylla.

Ka MBOCWB kan ai ka jingkyrshan pisa kaba 1000 tyngka shi taiew tang ia u/ka dkhot ba la dep siew pura ia ka jinglong dkhot haka MBOCWB haduh u snem 2019-2020.

Kiba lah ban long dkhot haka MBOCWB kan long tang ia kiba trei misteri haka kam khyndew bilat, shoh bad tih maw, kiba trei muster roll ha ka tnad PWD (Rds & Bldg) bad PHE.

Kine ki dkhot ki lah ban ioh iaki 14 tylli ki jait skhim na ka MBOCWB bad kim lah shuh ban pan da kiwei ki jingiarap kyrshan pisa na ka tnad Labour jong ka sorkar Jylla.

Ki bym lah ban ioh ia katei ka jingkyrshan pisa ba la ai da ka sorkar kiba trei na kti ha ktien kum ha kane ka por ba ka sorkar ka hukum ban shongkhop hapoh iing.

Kito kiba la dep ban long dkhot haka MBOCWB.

Kiba trei muster roll haka MNERGA, kiba la don ka kyrteng jong ki haka Jop card.

Kiba bylla hapoh ka sorkar (Nongmuna-ha JHADC, Ki Bank )

Kiba trei haka tnad ka koit ka khiah (Asha) haka Social Walfare (Aganwadi) kiba trei Casual Workers haka sorkar Jylla ne sorkar India.

Katkum ka jingpyntiip u DP Wahlang, IAS Principal Secretary Labour Department Government of Meghalaya, yn iarap kyrshan pisa ka sorkar Meghalaya tang ia kiba trei bylla sngi kiba ym lah shuh ban leit trei namar ba ka sorkar ka phah ban shongkhop hapoh iing (Lockdown).

Kiba trei bylla daka nongsngi ki lah ban kam iaka jingiarap kyrshan pisa na sorkar da kaba ki hap ban pyndap kyrteng haki Form kiba don haki ophis jong ki Waheh Shnong bad ban phah ha kine ki Whatsapp No- 6009924512 na ka bynta ka West bad East Jaiñtia.
Ka tarik ba khatduh ban pynpoi kan long haka 08 April 2020.
Kiba dei hok ban ioh ia katei ka jingiarap kyrshan pisa ka sorkar Meghalaya-

Tang kito kiba trei nongsngi, kiba die kwai dong, kiba iarap die mar ha dukan ne surok, kiba niah kali bad kito kiba iarap iaki trai kali, kiba rep daka nongkhad haki kper/hali ba dei trai da kiwei, kiba trei misteri dieng, kiba trei nongsngi ha ki dukan die tim.

Ka jingiarap kylliang ka jingkyrshan kylliang para briew ka la dawa jur ha kane ka por.

Ban lait na ka jingbit u COVID-19 ha ki shnong ki thaw la kyntu ia baroh kiba don Internet, smartphone, whatsapp ban iarap iaki nongbylla sngi ki bym don iaki smartphone.