Tang uwei u doktor ai jingshakri ka Lumshnong PHC iaki 14-15 tylli ki shnong: MPUF

Syllad | The Rising MeghalayaMarch 2, 2021

Ka Lumshnong PHC ka don tang uwei u doktor ban ai jingshakri ia ki paidbah nongshong shnong jong ki 14-15 tylli ki shnong kiba hap ha Elaka Narpuh naduh na Chiehruphi ter ter shaduh Sunapur.

Ka Meghalaya People United Front (MPUF) East Jaintia Hills District hadien bala ioh iaka jingujor u paidbah halor ka jingdkhoh treikam ka PHC Lumshnong kala hiar sha katei ka PHC ban iakynduh ia u doktor haka sngi Nyngkong.

Ha kane ka jinghiar ka MPUF la ialam da u Kyrshan Blah president MPUF East Jaintia Hills District bad kiwei kiwei ki dkhot bad nongialam ki tnad ka MPUF.

U doktor kane ka PHC ula kubur ba don shibun ki jingduna ha kane ka aspatal namar ba duna nongtrei naduh ki nurse ki doktor.

Ka MPUF kala dawa na ka tnad ka koit ka khiah ban pynbiang iaki jingdonkam kane ka jaka sumar bad ban kyntiew kyrdan iaka khnang ba kan lah ban ai ka jingshakri kaba bha ia u paidbah ka thain. Ka MPUF kala ong ba shen ka sa leit buh dorkhat ban dawa naka sorkar ban pynbiang iaki jingduna kane ka jaka sumar.