Teh lama iong KSU ha Jowai Khliehriat ban pynrem iaka jingshah siat iap ki 5 ngut ha Mukroh

Syllad | The Rising MeghalayaNovember 23, 2022

Ka Khasi Students Union ha Rilum Khasi Jaintia kala pynlong iaka jingpynher iaki lama iong ha kylleng ki district headquarter jong ka Jylla ban pyrshah iaka jingsiat pathar ki Pulit Assam bad ka tnad Forest ka Assam kaba la wanrah iaka jingiap ki 5 ngut ki pnar bad 1 uwei forest guard ka Assam kaba la jia ha Mukroh haka sngi ba Ar.

Ka KSU kum ka dak ban pyrshah ia kane ka jingwan thombor ki Pulit Assam bad ka tnad forest ka Assam kala pynlong iaka pynher lama iong haka sngi Balang ban pynrem ia kane ka jingsiat pathar ia ki nongshong shnong ka Mukroh bad dawa ban kem mardor ia kiba donkti.

Ha rilum Jaintia Kala pynlong iaka jingpynher lama iong ha ki jaka paidbah, ki ophis sorkar kynthup ha Khliehriat bad Jowai.

Shuh shuh ha kaba iadei bad ka metiap jong u wei u forest guard ka Assam uba la shah siat haka jingjia ha Mukroh kaba la rah ha Ialong Civil Hospital, ka KSU kala pynshai kam shym la bat shuh Ia ka met jong u bad kala dawa na ki bor sorkar jong ka Assam bad Meghalaya ban pynthikna ban kem ia kiba donkti haka jingsiat pathar ia ki briew kiba lui lui

U Shiningstar Kharbihkhiew Assistant Education Secretary KSU central body ula ong ba ka sorkar Assam ka dei ban pynthikna ba kam dei ban kynshoit klumar bad ban pynshongshit klumar iaki pulit jong ka ban leh ki kam kiba ym lah ban pdiang. Ula ong ba ka sorkar Meghalaya ruh ka dei ban pynbiang iaki bor pahara ha baroh ki khappud jong ka Assam Meghalaya ban shngain u paidbah.