Test COVID-19 positive iwei ha Rural Bank Markasa

Syllad | The Rising MeghalayaJune 28, 2021

U Block Development Officer ka Mawthadraishan C&RD Block, Nongshillong ula pyntip paidbah ba don iwei na ki nongtrei jong ka Meghalaya Rural Bank, Markasa Branch, i la ioh ia u khniang jingpang COVID-19 bad namarkata, la kyntu ia ki paidbah kiba la leit sha katei ka Bank ha ka 17 tarik u Jylliew, 2021 bad hadien kata ba kin shong pynkyrpang ialade na ka bynta 10 sngi.

Shuh shuh, lada don kino kino napdeng kiba shongpynkyrpang ialade hala ïing kiba khie shit, jyrhoh lane jynjar ban ring ne pynhiar mynsiem, pynhiar kpoh, duh noh ia ka bor jingsma  bad kumta terter ki dei ban pyntip mardor lyngba ka phone sha ki number phone 94853-95373, 82579-46145, 89749-82878 lane  60094-49418.

La bthah ruh ia baroh ba kin bud pyrkhing ia ki jingbthah ka sorkar ha kaba iadei bad ka jingdeng thikna ia ki mask, ka jingpynijngai iwei na iwei pat bad ka jingsait tista iala ki kti da ka sabon bad ka um ne da kaba pyndonkam ia ki hand sanitizer.