Thalain ka JSU iaka Synjuk Dorbar Shnong Shangpung ba dawa pynkynriah iaka PWD North Division sha Shangpung

Syllad | The Rising MeghalayaJune 27, 2020

Ka Jaintia Students’ Union (JSU)- Central Body kum ba ka ju ieng pyrshah naduh ki por ba la dep ha duh mynta ka khyllipmat ruh ka dang ieng pyrshah iaka jingthmu bad jingdawa jong Ka Synjuk Ki Dorbar Shnong Shangpung ban pyn kynriah ia ka PWD North Division na jowai sha ka shnong Shangpung.

Ka JSU ka pynrem jur ia kane ka jingdawa jong kane ka synjuk namar ki jingdawa ki bym don nongrim tang khyndiat ruh.

U Lawyerson War, President ka Jaintia Students’ Union – Central Body ha u kyrwoh ba ula phah ula ong ba kum ba ngi iohi ha ki lad pathai khubor ba ka ne ka synjuk ka kam ba kane Ka Division ka peit tang iaka Laskein Block, hato tang na ka daw ba ka peit tang ia ki jaka ba hap ha poh Laskein Block un hap ban pyn kynriah sa ia ka ophis nalor ba ka subdivision jong kane ka tnad ka la don lypa ha Shangpung. Hato ia ka PWD South Division ruh un hap ban pynkynriah noh sha Amlarem na mar ka peit ia ki jaka sha ka tei ka thain.

Ka JSU kala kynthoh bad buh jingkylli, Shano ka burom jong ka District jong ngi ha ba ia ki Head Office dang ia dawa ban pynkynriah na headquarters jong Ka District. Hato tang ka Laskein block ki ba trei ki ba leit don don kam ha poh jong ka PWD North Division? Tang ki Contractor ba na Laskein block ki ba trei ha North Division? Kumno ki briew na kylleng ka Rilum Jaintia na I bynta ki kam iba barit ki hap leit pyn lut san sha duh sha Shangpung. Kat ki nongialam Ka Synjuk ka Dorbar Shong Shangpung kim don ka jingtip bad jingshemphang ban pyrkhat ia kiwei ruh ba ki shu dawa klumar tang na Ka bynta Ka jingmyntoi jong ki.

Kane ka jingdawa kulmar ka jong ki kan sa wanrah ruh ka jingthud bad jingkulmar ia kiwei pat ki tnad treikam ka PWD kaba kynthup ia ka Ophis jong u Superintending Engineer PWD, ka Treasury bad ruh ia kiwei ki tnad treikam ka Sorkar ba iadei kam bad ka PWD.

Ka JSU kala ong kumno kane ka Synjuk ka ong ba ka jingdon jong kane ka Division hapoh Jowai ka pynkhapngiah ia ka sor jwai, kat ki nongialam jong Ka Synjuk Ka Dorbar Shong Shangpung ki kynnoh klumar kim tip kino ki jaka ba khapngiah ha poh sor Jowai bad ha kano ka jaka ba kane Ka ophis Ka don. Lada tang Ka jingpynkynriah ia kane ka ophis jong ka PWD North Division ka la lah ban pynkylluid ia ka Sor jowai naduh mynno Ka JSU ka la dep dawa ban dawa pynkynriah noh ia kane ka Ophis bad ruh kan um ap ia phi ki Synjuk naduh na shangpung ban dawa ia kane?

Kane ka jingdawa kane ka Synjuk ka dei tang ka jingaidaw thok ban pynbiej ia ki briew jong Ka Rilum Jaintia baroh Ka Wei.

Kumta halor kitei ki nongrim ka JSU ka ieng pyrshah bad dawa na ka Sorkar Jylla ba kam dei ban sngap ia Ka jingdawa jong ki katto katne ki briew khwan myntoi shimet, hynrei ka dei ban sngap ia Ka Sur U Paidbah bad na ka bynta Ka jingbha jong ki ba bun balang.