Thang dusmon ki runar ia u kba ha pyntha rep ha Sung
Ki runar kibym lah satia ban ithuh kila thang dusmon ia u kba uba bun bah haka pyntha rep ba seisoh ha Sung Valley, Elaka Muskut, West Jaintia Hills District.
Kane ka jingjia kala jia antad haka por miet haka Sngi U Blei haka por bym don mano mano ha kane ka jaka rep.
Kane ka jaka rep ka dei jong u ma Commander Slong ba na ka shnong Moodymmai, West Jaintia Hills District uba ai nongkhat sha uwei u nongrep naka shnong Puriang, East Khasi Hills District ba kyrteng u Banehdor Khriam.
Ka khubor ka iathuh ba une u nongrep hadien bala dep lum lang ia u kba, ula mih na katei ka jaka rep ban wad kali ban kit noh ia u kba sha iing ban ioh bam baroh shisnem, hynrei hadien ba ula wanphai ula lap pynban ba u kba ula shah thang.
La iathuh ba kba uba la julor u don kumba 27 byrni bad lada khein kyllum lada shi byrni un mih 40-45 kilo, u kba uba la julor ula kynjoh shaka ka jingkhia kaba 800-1000 kilo.
Kane ka jingjia kala theh umpjah iaka jingtrei shitom une u rangbah ha baroh saw aiom.
Halor kane ka jingjia na kaliang u ma Commander ula dep mudui iaka jingujor ejahar ha khmat ki Pulit ka Ummulong Beat House bad kila hiar ruh sha katei ka pyntha rep haka sngi kaba ar ban pynlong iaka jingtohkit.
Facebook
Instagram
Youtube
Twitter
Leave a Reply