Thang ka KSU ïaki tynshop ki nongialam barim ka NTYU

Syllad | The Rising MeghalayaJanuary 30, 2019

SHILLONG: Hadien ba ka sorkar jylla kala rai ban thung kam ïaki arngut ki nongïalam barim ka Non-Tribal Youths Union (NTYU) kum ki vice chairmen ha ki tnad sorkar ka jylla, ka KSU bad FKJGP kila ieng pyrshah jur bad kynnoh ba ki dei ki briew ba pyrshah riewlum.

Kine ki nongïalam barim ka NTYU ki kynthup ïa u  Vijay Raj bad u Pawan Sharma.

Kum ka dak ban pyrshah ïaka jingthmu ka sorkar jylla; ka KSU haka jingïalang paidbah ban pyrshah ïaka  ‘CAB 2016’ ha Motphran ha Balang kila thang ïa ki tynshop jong ki vice chairmen ka sorkar.

Uwei na kine ki nongïalam barim ka NTYU u Vijay Raj ula phah ïaka shithi iehnoh kam jong u sha u Myntri Rangbah ka Jylla kum u Vice Chairman, State Government Program Implementation and Monitoring Committee jong ka sorkar Jylla haka sngi Balang. U Vijay ha katei ka shithi ula pynshai ruh ba um dei satia u nongïalam ka NTYU.